Рӱдӧ оласе Сеҥымаш парк умбакыже уэмдалтеш
Йошкар-Ола администрацийын увертарымыж почеш «Оласе йӧнан илыме кумдыкым ыштымаш» проект почеш Сеҥымаш Паркым тӱзатыме сомыл умбакыже шуйна. Шошым эртыше йӱклымаште тиде кумдыкым пужен ышташ 24 тӱжем еҥ шке йӱкшым пуэн ыле. Ыштен шуктымеке, тудо каныме вер да Кугу Ачамланде сар нерген шарнымаш функцийым шукташ тӱналеш. Кызыт военный техникым посна верлаш кусарен шындыме, рӱдӧ аллейыште брусчаткым оптымо, бордюр кӱым вашталтыме, тылыште тыршыше- влаклан Чапкӱ воктене асфальтым шарыме. Моло верыштыжат бордюр кӱм вашталтат да тротуарлаште брусчаткым оптат.
