Уэш «Экономический диктант» акций лиеш
9-ше октябрьыште Российысе чыла кундемыштат «Экономический диктант» акций эрта. Тудын темыже: «Виян экономике- пеледалтше Россий». Акцийым Российысе эрыкан экономик обществе ден экономист- влакын тӱнямбал ушемышт Российысе правительстве пеленсе финанс университет, вӱдышӧ вуз, кундемлан администрацийышт, РАН-ын институтшо- влак дене пырля эртарат. Икымше гана тудым 2017-ше ийыште возымо ыле да кажне ийын эртараш лийме. Кодшо ийын тудым 83 субъектыште тӱжемат 290 утла площадкыште возымо. Тыгак Таджикистан, Молдова, Монголий ушненыт. Чылаже шинчымашыжым 98 тӱжемат 500 утла еҥ терген. Тидыже 17-ше ийысе деч кок пачаш шукырак. Тений эше шукырак еҥ ушнышаш. Диктант экономик науко деке кумылым лукташ, кажне еҥлан экономик шинчымаш кӱлешан манме шонымаш дене эртаралтеш. Тудо ончыкыжым школышто, вузышто экономикым туныктымаште мом уэмдаш да саемдаш кӱлешым рашемдаш полша. Диктантым онлайн йӧн денат возаш лиеш. Площадке- влакын кушто верланымыштым диктантын сайтыштыже пален налман.
