Кунар шукырак куржат- тунар шукырак мандариным налат
Шушаш рушарнян, 8-ше мартыште, Йошкар-Олаште Тӱнямбал ӱдырамаш кечылан пӧлеклатше «мандарин забег» физкультура да поро кумыл акций лиеш. Эҥер сер мучко тӱшкан куржталме мероприятий куржталаш йӧратыше да скандинав коштмашлан кумылан- влаклан эртаралтеш. Ик шагатыште нуно кумыт гыч 12 меҥге марте кужытым эртен кертыт. «Мандарин куржталмаш» 9 шагатлан Патриарший площадьыште тӱҥалеш. Куржталмашке ушнышо тӱҥалтышыште взносым ышта гын, мандарин сӱретан значокым налеш. Погымо чыла оксам Волжск ола гыч 7 ияш Даниил Домрачевым эмлаш колталтеш. Тудлан Калифорнийысе ик олаште пылышыжлан операцийым ыштышаш улыт. Куржталме годым кажне еҥ уштышат пеле еда мандариным налаш тӱҥалеш.
