Республикын консолидированный бюджетшым кузе шуктымым иктешлыме

Республикын консолидированный бюджетшым кузе шуктымым иктешлыме
Республикысе финанс министерство икымше августлан налог да налогдымо парыш шотышто республикын консолидированный бюджетшым кузе шуктымым иктешлен. Август тӱналтышлан Марий Элын консолидированный бюджетшын парышыжым 19 миллиардат 540 утла миллион теҥгелан шуктымо. Министерствын увертарымыж почеш, казнаш 11 миллиардат 600 миллион утла теҥге окса пурен. 2018-ше ий дене таҥастарымаште 7 утла процентлан шукырак лийын. Пӧртылташ кӱлдымӧ окса 8 миллиард наре пурен. Тушечын нылытат пел миллиардше- дотаций, 850 миллионжо- субсидий, 900 миллион утлаже- субвенций, моло трансфертше ик миллиардат 300 утла миллион теҥге лийын. Августлан республикын бюджетше 9 миллиард утла теҥгелан пойдаралтын. Роскотшым ончалаш гын, тудо 19 миллиардат 190 миллион теҥгеш погынен. Кучылтмо тӱҥ корно- влак тудак кодыт: туныктыш паша, социал да национал политике- влак.

Прошлые выпуски