Спорт гимнастике дене олимпий резерв спорт школ у спорт оборудованийым налын
Спорт гимнастике дене олимпий резерв спорт школ у спорт оборудованийым налын. Октябрьын пытартыш шуматкечынже спортсмен- влак гимнастикын Всероссийский кечыжым палемдат. Спорт гимнастике дене олимпий резерв спорт школын тренерже- влак ятыр лӱмлӧ спортсменым ямдыленыт. Нунын коклаште Олимпий чемпионка, СССР-ын сулло спорт мастерже Зинаида Воронина (Дружинина), тӱнямбал классан спорт мастер, Россий сборный командын тӱҥ соствыштыже 2003-шо гыч 2008-ше ий марте таҥасыше Алёна Пронина улыт. Спорт школ СССР-ын да Российын 101 спорт мастержым, спорт мастерыш 217 кандидатым, икымше разрядан 411 спортсменым ямдылен луктын. Тӱшка разрядым 7 тӱжем еҥлан пуымо. 10 тӱжем утла йоча гимнастикын негызшылан тунемын. Тений «Спорт-илышын нормыжо» федерал проект кышкарыште школ спорт резервым ямдылаш федерал бюджет гыч 544 тӱжем теҥге субсидийым налын. Тиде окса дене гимнастике бревном, бруслан ныл жердьым, гимнастикылан таҥасыме кӱварым, магнезийым налын. Спорт школын материально технический базыжым уэмдымаш спортсмен- влакым ямдылыме у кӱкшытыш нӧлталаш, спорт резервым кугемдаш полша.
