Изарнян Марий Эл Кугыжаныш Погынын бюджет сессийже лиеш

Изарнян Марий Эл Кугыжаныш Погынын бюджет сессийже лиеш
Шушаш изарнян Марий Эл Кугыжаныш Погынын визымше бюджет сессийже пашам ышташ тӱҥалеш. Тудын повесткышкыже 16 йодышым пуртымо. Депутат- влак шушаш кум ийлан республикым социально- экономически вияҥдыме прогнозым пеҥгыдемдышаш, шушаш да 21-ше-22-шо ий- влаклан республикын бюджетше да обязательный медицина страхований фондын бюджетше нерген законым приниматлышаш улыт. Стратегий планирований, ялысе туныктымо тӧнежлаште пашам ыштыше- влаклан социал полышым пуымо, тулык йоча- влаклан илыме верым ситарыме, алкоголизм да наркоманийым шижтарыме шотышто закон- влакым федерал закон дене келыштараш палемдыме. Тыгак «Ял озанлыклан кугыжаныш полышым пуымо нерген» да «Марий Эл Кугыжаныш Погын нерген» законлашке вашталтышым пуртат. Сессийын повесткыштыже эше кок у закон уло. Тиде «Йошкар-Ола йыр чодыра полосам шындыме нерген» да «Южо категорий еҥ- влакын погышт, парышышт да роскотышт нерген уверым пуымо шотышто йодышым виктарымаш нерген» закон- влак. Тиддеч посна марий парламент Республикыште айдемын праваже шотышто уполномоченныйым палемдышаш улеш.

Прошлые выпуски