«Марий тиште кече» пайрем лишемеш

«Марий тиште кече» пайрем лишемеш
«Марий тиште кече» пайрем декадылан ямдылалтме шотышто оргкомитетын заседанийже лийын. Оргкомитетын радамыштыже туныктыш министерствын, тӱвыра да туныктышо бюджет тӧнеж- влакын, марий мер ушем- влакын еҥышт улыт. Заседанийым тӱвыра министрын алмаштышыже Галина Ширяева почын. Тудо пайремын кӱлешлыкшым палемден. Марий тӱвыра рӱдерым вуйлатыше, Кугыжаныш Погынын депутатше Наталья Пушкина пайрем программе дене палдарен. Тений марий тиштын декадыжым эртараш кутырен келшыме. Тудо 6-шо декабрьыште «Марла чын возена» тӱшка 7-ше диктант дене тӱналеш. Тудо республике деч посна Российысе моло кундемлаште да йот эллаштат эрта. 10-шо декабрьыште Республикысе мер-политик рӱдерыште марий тӱвыра форум лиеш. Тудын кышкарыште йыргешке ӱстел йыр мутланымаш- влак, шочмо йылмым туныктышо- влакын ассоциацийыштын кумдаҥдыме заседанийышт, виш лекций- влак, книга, кидпаша, сӱрет выставке, мастер-класс, калык сийым тамлен ончымаш, усталык лабораторий, йоча- влаклан модмаш да шуко молат эртаралтеш. Марий Тиште пайрем кугу концерт дене мучашлалтеш.

Прошлые выпуски