Марий Элым вуйлатыше кокымшо кече Москошто тӱнямбал производительность форумышто пашам ышта
Таче Марий Элым вуйлатыше Александр Евстифеев Москошто паша лектышын икымше тӱнямбал форумыштыжо пашам ыштен. Форумыш Российысе да йот элласе кучем орган, тӱнямбал компаний да «Паша лектыш да калыклан пашаверым муаш полшымаш» калыкле проектын участникше- влак- тӱжем утла еҥ погынен. Мероприятийын унаже семын Японий, Германий, Франций, Италий да Шейцарий, Чехий, США, Индий да моло элла гыч бизнесын да кугыжанышын еҥышт толыныт. Паша лектышым кугемдымаш экономикым вияҥдымаште тӱҥ показатель улеш. Тений шуко пашам ыштымаш гына шагал, сеҥымашыш шуаш айдеме ресурсым да паша куатым тичмаш кучылтман. Но тӱнямбал кризислан кӧра ятыр элыште паша лектыш иземаш тӱналын. Тиде азап гыч лекме йӧным эксперт- влак лач тиде форумышто кычалыт. Погынышо- влак тыгак экономикым вияҥдыме йодыш дене пленарный заседанийыште, агропромышленный комплексым, тазалыкаралтышым, фармацевтикым, ЖКХ-ам вияҥдыме шотышто мутланымаште лийыныт, капитальный проект темым каҥашеныт. «Паша лектыш да калыклан пашаверым муаш полшымаш» калыкле проектын участникше- влакым Российысе вияш инвестиций фондын программыж дене палымым ыштеныт.
Теҥгече Марий Элым вуйлатыше Александр Евстифеев Москошто «Тӱшка ончыкылык» ӱшанлын вияҥме Тӱнямбал форумышто участвоватлен. Кугу тӱнямбал форум пырля вияҥмашлан, регионласе сай паша- влакым шарен колтымо йодышлан пӧлеклалтын. Александр Евстифеев «Ял кундемлам ӱшанлын вияҥдымаш да кочкыш сату шотышто лӱдкшыдымылыкым ыштымаш» теме дене мутланымаште лийын. Тудын мутшо почеш, ӱшанлын вияҥмаш калыкле проект- влак денат кылдалтын. Мутлан, Юл эҥерын экологийжым, республикын чодыра поянлыкшым арален кодымаш, экономикын пашаже да паша верым ыштымаш, ял озанлыкым вияҥдымаш да ятыр молат. Тидын годым республикым вуйлатыше шкенан ял озанлык сатун кӱкшӧ качествыжым, сатум шкалан кӱлеш деч шукырак ыштен лукмым палемден. Нине йодыш- влак моткоч кӱлешан улыт да калыкле проект- влак дене чак кылдалтыныт. Российысе кундем- влак дене сай вашкылым ыштымаш тыгак кӱлешан йодыш. Пример шотеш Юрино да Килемар районлашке газым пуртымо пашам палемден. Мутлан, Килемар районыш умбакыже Киров кундем гоч шуйнышо газ пуч гыч веле газым пурташ лиеш. Тиде вашкылын сай примерже манын тудо. Тыгаяк сомылым моло йодыш денат пырля виктарыман.
Теҥгече Марий Элым вуйлатыше Александр Евстифеев Москошто «Тӱшка ончыкылык» ӱшанлын вияҥме Тӱнямбал форумышто участвоватлен. Кугу тӱнямбал форум пырля вияҥмашлан, регионласе сай паша- влакым шарен колтымо йодышлан пӧлеклалтын. Александр Евстифеев «Ял кундемлам ӱшанлын вияҥдымаш да кочкыш сату шотышто лӱдкшыдымылыкым ыштымаш» теме дене мутланымаште лийын. Тудын мутшо почеш, ӱшанлын вияҥмаш калыкле проект- влак денат кылдалтын. Мутлан, Юл эҥерын экологийжым, республикын чодыра поянлыкшым арален кодымаш, экономикын пашаже да паша верым ыштымаш, ял озанлыкым вияҥдымаш да ятыр молат. Тидын годым республикым вуйлатыше шкенан ял озанлык сатун кӱкшӧ качествыжым, сатум шкалан кӱлеш деч шукырак ыштен лукмым палемден. Нине йодыш- влак моткоч кӱлешан улыт да калыкле проект- влак дене чак кылдалтыныт. Российысе кундем- влак дене сай вашкылым ыштымаш тыгак кӱлешан йодыш. Пример шотеш Юрино да Килемар районлашке газым пуртымо пашам палемден. Мутлан, Килемар районыш умбакыже Киров кундем гоч шуйнышо газ пуч гыч веле газым пурташ лиеш. Тиде вашкылын сай примерже манын тудо. Тыгаяк сомылым моло йодыш денат пырля виктарыман.
