Марий Элыште шӱм черлан кӧра ӱмыр лугыч лиймашым шагалемдаш тыршат

Марий Элыште шӱм черлан кӧра ӱмыр лугыч лиймашым шагалемдаш тыршат
Марий Элыште шӱм черлан кӧра ӱмыр лугыч лиймашым шагалемдаш тыршат. Республикыште «Шӱм да вӱргорно чер дене кучедалмаш» регионысо проект сайын илышыш шыҥдаралтеш. Тудо ӱмыр лугыч лиймашым шагалемдымашке виктаралтын. Тений гына кӱкшӧ технологиян вич медицина оборудованийым налме. У техникым Йошкар-Оласе эмлыме верын сосудистый рӱдерже ден Шернурысо рӱдӧ эмлыме верыш шындыме. Федерал бюджет гыч ойырымо оксан тӱшка кугытшо 58 миллион теҥгем эртен. Тиде пеш кӱлешан паша. Молан манаш гын, утарен кодымо илыш дене кылдалтын. Тений 100 тӱжем еҥлан шотлымаште колымашым 506 еҥ марте шагалемдаш, а 2024-ше ийлан 430 случай марте иземдаш палемдыме. Сандене 24-ше ий марте экстренный полышым пуышо организаций- влакым у, кӱкшӧ технологиян оборудований дене умбакыжат пойдараш тӱналыт. Калыкле проект почеш медицина пашаеҥ- влаклан чылаже 39 единице оборудованийым налшаш улыт. Тудын акше 380 миллион теҥгем эрта. Тенийлан ойырымо оксам тичмаш кучылтмо.

Прошлые выпуски