Осал полдыраным пытараш оксам ойырымо
Республикысе ял озанлык министерстве муниципал образований- влаклан полдыран, Сосновскийын борщевикше манме кушкыл ваштареш кучедалаш оксам ойырымо нерген увертарымаш- влакым колтен. Мероприятий республикын Правительствыжын пунчалже почеш шукталтеш. Тиде кушкыл вич метр кужыт марте кушкын кертеш, вожшо кок метр келгытыш вола. Тудо чара коваштым чот когарта. Эртыше курымын 50-ше - 60-шо ийлаштыже тудым силослан кучылтыныт. А 2015-ше ий декабрь гыч тудым Россий мучко шӱкшак кушкыл семын отраслевой классификаторыш пуртымо.
