Шуко шочшан ешлан У ий пӧлек- 200 кило кочкыш сату

                 Республикысе «Ме пырля» акцийын участникше- влак тора да пытен толшо ялыште илыше шуко шочшан ешлан 200 килограмм утла кочкыш сатум намиен пуэныт. ОНФ-ын чолга еҥже- влак акцийын партнёржо- влак дене пырля шуко шочшан еш- влаклан умбакыже полшат. Кодшо кечылаште «У ий юзо» акций кышкарыште мер пашаеҥ- влак «Марий ушемын» еҥышт дене пырля Волжский районысо Пекоза ялыште шкет илыше шуко шочшан Бычковмыт еш деке миеныт. Пекоза тошто ял. Тудо Упшер кундемыште верланен. 12 меҥге коклаште ик ялат воктеныже уке. тудым верысе калык «Марий тайга» манын лӱмден. Тушто 50 наре пӧрт яра шога. Лач Бычковмыт ешлан кӧра гына тудо ила. Ешыште вич эргым ончен куштат. Ушкалышт, ӱшкыжышт, сӧсна-шорыкышт, мӱкш отарышт уло. Кугурак эргышт армийыште служитла, изиракышт Волжск олаште тунемыт да ковашт дене олаште илат, канышлан гына мӧҥгӧ пӧртылыт. Сурт озан мутшо почеш ялым кудалтен каяш огыт шоно.

Прошлые выпуски