Ончыкыжым айныктарыме верым пӧртылтен кертыт
Ончыкыжым айныктарыме верым пӧртылтен кертыт. Тидын шотышто законым Кугыжаныш Дума приниматлен. Икымше лудмаште документым кодшо ийын ноябрьыштак сайлан шотлымо ыле. Тушто возымо: «верысе кучемын тӱшка верлаште йӱшӧ вуя улшо еҥ- влаклан полышым пуаш» полномочийже лиеш. Тыгак регион- влак спецтӧнежын пашажым виктарен колтышаш улыт. Рашемдат: нуным кугыжаныш-частный да муниципально- частный партнёрство нерген соглашений негызеш ышташ тӱҥалыт. Тыгай тӧнеж- влакын пашаштым организоватлыме да могай полыш- влакым пуымо шотышто правилым тазалыкаралтыш, паша да эл кӧргӧ паша министрестве-влак ямдылат да пеҥгыдемдат.
