Арде селасе амбулаторийын кӱлешлыкшылан изиш кучылтмо санитар автомобильым пуымо
Килемар районысо Арде селасе амбулаторийын кӱлешлыкшылан изиш кучылтмо санитар автомобильым пуымо. Варарак амбулаторийыш у автомобиль толшаш. Тиде врач амбулаторийын проблемыж нерген ОНФ-ын тарватымыж деч вара шукерте огыл каласкалыме ыле. Кызыт йодышым тазалыкаралтыш министерстве виктараш тӱҥалын. Пашам кӱрылтде шукташ манын, Республикысе клинический эмлыме вер Килемар районын эмлыме вержын балансышкыже санитар автомобильым кусарен. Шушаш ийын идалык мучаш марте эше у автомобиль лийшаш. Тиддеч посна у транспорт Визымйар врач амбулаторийышкат толшаш.
