Йошкар-Ола аэропортын проектшым сайлан шотлымо

               Российын тӱҥ кугыжаныш экспертизыже Йошкар-Ола аэропортын чоҥештен кӱзымо да волен шичме полосажым пужен ыштыме проектым сайлан шотлен. Тудым ыштымеке Марий Эл 200 еҥ пурыман кугу самолёт- влакымат шынден кертеш, - увертара Интерфакс. Боинг 737 шотан кугу самолёт- влак уэмдыме полосаште куштылгын шинчын кертыт. Полосан кужытшо кок тӱжемат 701 метр, кумдыкшо 41 метр лийшаш. У проектыште тул сигнал да метеорологий оборудованийымат шотыш налме, рулитлыме корно, командно-диспетчер пункт, перрон да самолёт- влаклан шогымо до обслуживатлыме вер- влак лийыт. Пужен ышташлан ныл миллиард теҥге кайышаш. Аэропортым уэмдыме программе инвестор да турист- влакымат кумылаҥдышаш. Аэровокзалым кызытак олмыктыман. Тудын калыкым обслуживатлыме йӧнжӧ ныл пачаш кугемеш, а кумдыкшо вич тӱжемат 167 квадрат метр лиеш.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски