«Марий кеҥеж» проектыш уло республике гыч усталык коллектив ден студент- влак ушненыт
«Марий кеҥеж» проектыш уло республике гыч усталык коллектив ден студент- влак ушненыт. Юрий Зайцевын тӱналтышыже почеш ышыме Проектын кумдан шарлымыже нерген Марий Элым вуйлатышын пашажым шуктышылан тӱвыра министрын алмаштышыже Михаил Матвеев каласкален. Тудо палемден, рӱдӧ олаште кугарня, шуматкече да рушарня еда лу площадкыште мероприятий- влак эртаралтыт, ятыр еҥ районла гыч толеш. Тиддеч посна шуматкече гыч коллектив- влак районлашке гастрольым эртарат. Рушарнян олашке районла гыч коллектив- влак толыныт, тӱвыра колледжын студентше- влак чолгалыкым ончыктат. Йошкар-Олан мэрже Евгений Маслов ешарен: «Марий кеҥеж» фестивальын эртыме площадкылашке турист- влакат кумылын мият да республикын тӱвыраже дене палыме лийыт. Фестиваль 4-ше сентябрь марте шуйна.
Фото: Марий Элым вуйлатышын организаций да аналитик виктемже.
Фото: Марий Элым вуйлатышын организаций да аналитик виктемже.
