9-ше микрорайонышто социал кӱлешан объектла деке намийыше корнылам олмыктымо пашам терген лекме

               Марий Элым вуйлатышын пашажым шуктышо 9-ше микрорайонышто социал кӱлешан объектла деке намийыше корнылам олмыктымо пашам терген лектын. «Марийск автодорым» вуйлатышын алмаштышыже Дмитрий Земсков Юрий Зайцевлан увертарен: тений калыкле проект кышкарыште Бауман уремым олмыктымо, кызыт Прохоров уремыште паша кая, 23-шо-24-ше ийлаште Строитель уремым норматив марте шуктышаш улыт. Тидымат ешарен: Марий Элым вуйлатышын пашажым шуктышын кудывечылам олмыкташ оксам ойыраш пунчалже пешак шке жапыштыже лийын. Тудлан кӧра урем корно ден пырля социал кӱлешан вич тӧнеж деке намийыше квартал кокласе корнылам олмыкташ йӧным пуа. Тиде корнын кужытшо ик меҥге наре шуйна. Тиде кварталыште кок школ, кок йоча сад да аза пӧрт верланеныт. Пытартышышкыже телым эсогыл кочкышым шупшыкташат йӧсӧ. Эн ончыч асфальтым уэмдат. Тидыже 20-25 шуко пачеран пӧртыштӧ илыше- влаклан йӧнан лиеш, кудывечылаш пурыде, тиде корно ден коштын кертыт. Тыгак тоштемше пушеҥге- влакым кораҥдат. Тусо корнышто эре вӱд шинча. Тудын погынымо амалжымат вуйлатышын пашажым шуктышо рашемдаш кӱштен. Ятыр ий дене кудывечылам олмыктымо огыл. Сандене вес ийынат тиде пашам умбакыже шуена манын тудо.
             Фото: Марий Элым вуйлатышын организаций да аналитик виктемже.

Прошлые выпуски