Республикысе школ- влакым шинчымаш кечылан ямдылыме паша график почеш кая

             Сенатор Сергей Мартынов палемден: республикысе школ- влакым шинчымаш кечылан ямдылыме паша график почеш кая. Россий Федерацийын сенаторжо, Федераций Советыште Марий Элын представительже Сергей Мартынов Шернур районышто Лажъял шоклышто олмыктымо пашам терген. Кызыт тушто паша шолеш, 25 еҥ ачалымаште тырша. Паша кузе кайыме нерген «Берег» ушемын пашам виктарышыже Борис Апакаев каласкален. Пашан качествыжым Сергей Мартынов дене пырля Кугыжаныш Погынын депутатше Владимир Кожанов, район администрацийым вуйлатыше Александр Кугергин акленыт. Районлан тений кугу тӱткыш ойыралтеш. Молан манаш гын, капитально олмыктымо программе почеш пужен ыштыме куд школ гыч кумытшо лач тиде районышто верланен. Лажъял школым пужен ышташлан бюжет гыч 160 миллион теҥгем ойырымо. Тошто школ деч тыште пырдыж гына кодеш, молыжо чыла уэмшаш. Пашам 25-ше августлан шуктышаш улыт. Икымше сентябрьыште  уэмдыме школ лондем гоч 83 тунемше куанен пурышаш.
               Туныктыш министерствын сенаторлан ойлымыжо почеш, тыгаяк чулым паша моло 250 школым ямдылыме шотыштат шукталтеш. Тачысе кечылан 173 школын ямде улмыжо шотышто актым пеҥгыдемдыме. Школ- влаклан приёмка 19-ше августышто мучашлалтшаш. Сергей Мартынов олмыктымо пашан сай качествыжым да кугытшым палемден.
          Сенаторын полышкалышыжын фотожо.

Прошлые выпуски