Республикысе тӱвыра пашаеҥ- влаклан профессионал пайремышт лӱмеш наградым кучыктеныт
Республикысе тӱвыра пашаеҥ- влаклан профессионал пайремышт лӱмеш наградым кучыктеныт. Пайрем мероприятий Яков Эшпай лӱмеш Марий Кугыжаныш филармонийыште эртен. Тудын тӱҥалме деч ончыч Моско воктелсе «Крокус Сити Холлышто» ыштыме терактыште ӱмыр лугыч лийше- влакым ик тат шып шоген шарналтеныт. Республикым вуйлатыше тӱвыра пашаеҥ- влакым пайрем дене саламлен да палемден: тендан пашада калыкын шӱм-чон тазалыкшым вияҥдаш, самырык тукымым моторлыкым аклаш, усталыкым йӧраташ туныкта. Ойыртемалтше пашаеҥ- влаклан республикым вуйлатыше наградым кучыктен. Правительствын Почётан Грамотыжым Волжский районысо тӱвыра пӧлкам вуйлатыше Любовь Казаковалан кучыктымо. Икмыняр еҥлан Республикым вуйлатышын Тауштымашан серышыжым пуымо.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
