Республикысе вӱрым налме да пуымо станцийыш кум прокурор толын
Йошкар-Олаште республикысе вӱрым налме да пуымо станцийыш кум прокурор толын. Теҥгече Марий Элын прокуроржо Илдус Нафиков, Озаҥ гарнизонын военный прокуроржо Мунко Цыренов ден Йошкар-Олан прокуроржо Сергей Гусаченко вӱрым пуэныт. Нуно у йӱлалан тӱҥалтышым пышташ кутырен келшеныт. Вӱрым пуымылан тӱлымӧ оксам республикысе прокуратура- влакын Курск областьысе чек воктелсе районлаште илыше- влаклан полшаш погымо оксашке ешараш лийыныт. Рашемдыме почеш, вӱрым пуымылан компенсаций 732 теҥгеш погына.
Фото: Марий Эл прокуратура.
Фото: Марий Эл прокуратура.
