Республикыште утларак ямде улмо режимым 18-ше октябрь марте шуйымо

Марий Элым вуйлатыше Александр Евстифеев коронавирус инфекций шарлымылан кӧра аралалтме мера нерген» ондак лукмо Указышкыже вашталтышым пуртымо шотышто вес Указым луктын. Документ дене келшышын, республикыште утларак ямде улмо режим 18-ше октябрь марте шуялтеш. Тыгеже, ончычсо семынак, маске дене коштмо режим аралалт кодеш. Зданийлашке пурымо годым, тӱшка транспортышто тудым обязательно чиен коштман, южо тӱшка мероприятийым эртараш чаралтеш.
                 Республикыштына эртыше суткаште ковид дене черланыше 22 еҥым рашемдыме. Ӱмыр лугыч лийше- влакын чотышт вашталтын огыл- 49 еҥ. Тыге черланыше- влакын тӱшка чотышт ныл тӱжемат 742 еҥыш шуын. Элна мучко ончалаш гын, черланыше- влакын чотышт кушкын толеш. Ик суткаште 7 тӱжемат 200 утла еҥын чержым пеҥгыдемдыме, ныл тӱжемат 300 утла еҥ эмлалт лектын, 108 еҥ ӱмыр лугыч лийын.

Прошлые выпуски