Республикыште жаплан пашаверым ыштыме программе илышыш шыҥдаралтеш

Республикыште жаплан пашаверым ыштыме программе илышыш шыҥдаралтеш. Пандемий жапыште оксам ыштен налаш йӧным йомдарыше- влаклан ешартыш пашаверым ыштат. Жаплан пашаверым кӧлан пуат? Мутлан, организацийыште кӱчык паша жапым пеҥгыдемдыме, пашадар деч посна отпускыш колтат, але паша гыч колтымо нерген йодыш шога гын, тыгай еҥ- влак пашаверым налын кертыт. Тидын годымак пашам пуышо-влаклан пашадарым тӱлымылан ужашыжым пӧртылташ манын МРОТ кугыт субсидий пуалтеш. Тӱшка пашашке учётышто шогышо кеч-могай пашадыме еҥ ушнен кертеш. Тидын годым тудо ешартыш оксам да пашадыме семын пособийым налын кертеш. Тыгай пашаже кундемлам тӱзландарыме, пӧлемым эрыктыме, полшымо да олмыктымо паша, саскам погымо, документым офрмитлыме да шуко моло сомыл дене келдалт кертеш. Тачысе кечылан тӱшка пашалан ныл ойпидышым кылдыме. Нуно  кушкылым але пеледышым шындат, вургемым ургат, кевытче, упаковщик да полышкалыше пашазе семын тыршат. Программышке тений 300 утла еҥ ушнен кертеш.

Прошлые выпуски