Республикыштына 80 тӱжем утла йочам ешартыш шинчымашым пуымо системе дене авалтыме
Республикыштына 80 тӱжем утла йочам ешартыш шинчымашым пуымо системе дене авалтыме. Правительствын заседанийыштыже социал йодыш- влакым онченыт. Йоча да самырык- влаклан ешартыш шинчымашым пуымо пашам вияҥдыме нерген туныктыш министр Лариса Ревуцкая ойлен. Республикыште «Йоча- влаклан ешартыш шинчымашым пуымо навигатор» автоматизиованный увер системе пашам ышта. Тудо программылам муаш да онлайн занятийлашке возалташ полша. Икымше июльлан шотлымаште тиде платформышто 100 тӱжем утла еҥ регистрироватлалтын. Ешартыш шинчымашын 542 организацийже возалтын. Кодшо тунемме ийыште ныл тӱжемат 320 программым шыҥдарыме. Каникул жапыште йоча- влак 700 утла программе дене пайдаланен кертыт. 2024-ше ий гыч ешартыш шинчымаш системе республикыште «Туныктыш» калыкле проект кышкарыште вияҥын. Тиде жапыште 12 тӱжем утла верым ыштыме, Куд «Кванториум» школ технопарк, «Ай-Ти-куб» ныл рӱдер, 100 утла «Точка роста» рӱдер, «Волгенче» рӱдер почылтыныт да пашам ыштат. Марий Элыште ешартыш шинчымаш системе дене 80 тӱжем утла йоча авалтыме. Тидыже уло чот гыч 71 утла процент лиеш. Идалык мучаш марте тиде цифрым россий кӱкшытыш- 80 процентыш шукташ задачым шындыме.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
