Республикыштына Кугу ачамланде сарыште сеҥымылан 80 ий теммым пайремлаш ямдылалтмаш кая
Республикыштына Кугу ачамланде сарыште сеҥымылан 80 ий теммым пайремлаш ямдылалтмаш кая. 80 ий теммым шушаш ийын палемдена. Тиде лӱмгече датылан пӧлеклалтше приоритет проект- влакым палемдыме шотышто Марий Элым вуйлатыше Юрий Зайцев совещанийым эртарен. Республикыште 140 кугу мероприятий ямдылалтеш. Нунын коклаште патырлык урок, экспозиций ден ончер, патриот акций, военно-патриот сбор, военно-спорт модмаш, ветеран да нунын ешыштын социал-экономик илышыштым саемдымаш да молат улыт. Погынышо-влак тыгак Кугу Сар дене кылдалтше шарнымашан вер- влакым уэмдыме йодышым каҥашеныт. Тиде- Суслонгер посёлкышто мемориалым пужен ыштымаш, Йошкар-Оласе рӱдӧ паркыште стелым уэмдымаш, Марий Элын шочшыжо- влакым шарнымашеш кодаш воин-ракетчик- влак лӱмеш стелым шогалташ, МиГ-23 демилитаризоватлыме истребитель дене мемориал комплексым ышташ, Россий Военно-морской флотын ик сарзе корабльжылан «Марий Эл» лӱмым пуымо нерген йодыш- влакым лончыленыт.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
