Кужеҥер посёлкышсо ӱстембал теннис дене таҥасымаш эртен

          Эртыше рушарнян Кужеҥер посёлкышсо кокымшо номеран КСОШ спортзалыште устембал теннис дене Республикысе йӱдвел-эрвел зонын Первенствыжын кокымшо туржо эртен. Тушто Йошкар-Ола да вич район гыч 33 спортсмен таҥасен. Тиде таҥасымаш кок тӱшка дене эртаралтеш. Икымшышкыже эн виян спортсмен- влак пурат- 12 еҥ, кокымшышкыжо- икымше группыш лекташ шонышо- влак таҥасат- 21 еҥ. Икымше тӱшкаште Егор Лаптев, Данил Загайнов коктынат Шернур гыч, Андрей Егошин У Торъял гыч призёр лийыныт. Кокымшо группышто Куженер гыч Сергей Сидоркин призёр лийын да икымше группышто кумшо турышто модаш правам налын. кокымшо вер Йошкар-Ола гыч Дмитрий Дунаевлан логалын, кумшо верыш Шой Шӱдымарий гыч Эдуард Андреев лектын.
            Фото: Куженер район администраций.

Прошлые выпуски