Республикыштына Марий Турек район корным олмыктымо паша дене ончылно кая
Республикыштына Марий Турек район корным олмыктымо паша дене ончылно кая. Тенийлан олмыкташ палемдыме километраж дене район ончылно улеш. Тудо эстафетым Медведево район деч налын. Медведево кундем кодшо ийын 50 меҥге кужыт корно шартышым вашталтен ыле. Тений Марий Турек районышто 37 меҥге утла кужытым ышташ палемдыме. Корно проектым шыҥдарыме жапыште 106 меҥге корным але тӱшка кужыт деч 57 процентым норматив марте шуктат. Тиддеч посна тений кок кӱварым олмыктышаш улыт: Кугу Опарино да Тат-Китня ялла воктене. Вара Морко ден У Торъял район каят. Тушто 32 меҥге кужыт гыч корным тӧрлышаш улыт. Морко районышто куд ийыште 133 меҥге кужыт корно шартышым уэмдат. Кок кӱварым олмыктат: Морко йыргорнышто да Ургаш- Роҥго- Морко корнышто. У Торъял районышто регионысо трассын 50 процентшым норматив марте шуктышаш улыт, Токтарсола ял воктене Шуй эҥер гоч корным олмыктат.
Фото: Транспорт министерстве.
Фото: Транспорт министерстве.
