Россий Пенсий фондын территориальный органже- влакым пужен ыштат
Марий Элыште икымше октябрь гыч Россий Пенсий фондын территориальный органже- влакым пужен ышташ тӱҥалыт. Верласе подразделений- влак Пенсий Фондын Республикысе пӧлкашкыже ушымо лийыт. Пужен ыштыме пашан цельже- пашам саемдымаш да пенсий ден социал полышлан ойырымо оксан кузе коштмыжым тергымашым сай кӱкшытыш нӧлталаш манын ышталтеш. Ушымо виктем да клиент службо- влакын обязанность ден правашт Пӧлкалан кусаралтеш. Пужен ыштыме паша мучашлалтмеке, ик юридический лица гына кодеш- Россий пенсий Фондын Пӧлкаже. Тиде вашталтыш калыкым обслуживатлымаште нелылыкым ок лук. Калыклан да страхователь- влаклан приём клиент службылаште ончычсо семынак, тудо адрес денак эртаралташ тӱҥалеш.
