Россий Правительствын еҥже- влак дене совещанийыште Владимир Путин регионлам вияҥдыме программе- влакым каҥашен

Россий Правительствын еҥже- влак дене совещанийыште Владимир Путин регионлам вияҥдыме программе- влакым каҥашен
            Россий Правительствын еҥже- влак дене совещанийыште Владимир Путин регионлам вияҥдыме программе- влакым каҥашен. Россий Федерацийын Президентше Владимир Путин Россий Правительствын еҥже- влак дене совещанийым эртарен. Повесткыште тӱҥ йодышыжо - регионлам вияҥдыме индивидуал программе- влакым шыҥдарымаш лийын. Экономически вияҥмаш министр Максим Решетников увертарен: Российын правительствыже у индивидуал программылан  проектыштым ямдылен. Кызыт нуно ведомствылаште каҥашымашым эртат. Программылам шыҥдараш федерал бюджетыште 2025-ше 2026-шо ий- влаклан идалык еда 10 миллиард теҥгем палемдыме.
                 Совещанийыште видеоконференций йӧн дене Марий Элым вуйлатыше Юрий Зайцев участвоватлен. Индивидуал программым илышыш шыҥдарымаш республикым экономически вияҥдымаште ик эн сай шӱкалтыш лийын. 2020-2024-ше ийлаште программын икымше йыжыҥже шыҥдаралтеш. Таче кечылан тӱжемат шӱдӧ утла у пашаверым ыштыме, шым миллиардат 800 миллион теҥге бюджетдыме оксам ушымо. Тений пашадымылык 3,4 процент марте иземын, 2020-шо ийыште тудо 6,8 % процент лийын. Программылан кӧра 50 утла инвестиций проектым шыҥдарыме, 13 социал кӱлешан объектым пашаш колтымо. Кызыт аэропортышто пассажир терминал чоҥалтеш, Волжскышто Александровский вӱдзабор пужен ышталтеш, республикысе ветеринар лабораторийын у корпусшо нӧлталтеш. Социал-экономически вияҥдыме индивидуал программым 2030-шо ий марте шуйымаш экномикылан кушкаш да калыкын илышыжым саемдаш у йӧн- влакым почеш.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски