Российын Геройжо Марк Евтюхиным шарныме лӱмеш хоккей дене республикысе турнир лиеш
Эрла Йошкар-Оласе «Дружба» стадионын Ий полатыштыже хоккей дене Российын Геройжо Марк Евтюхиным шарныме лӱмеш республикысе турнир эрта. Таҥасымаш 8 гыч 13 шагатат 30 минут марте лиеш. Тушто 36 ияш да кугурак ийготан- влакын любитель командышт модыт. Кажне командыште 16 еҥ марте лийын кертеш. Сеҥыше команде- влак кубок, медаль, диплом дене палемдалтыт. Эн сай нападающий, эн сай вратарь, аралыше эн сайын модшо- влак посна призым налыт.
