Энергетик- влак теле жаплан ямде улыт
«Россети Центр и Приволжье Мариэнерго» электросеть комплекс йуштӧ жаплан кӱлеш семын ямдылалтеш. Марий энергетик- влак олмыктымо тургымлан ямдылалтмашым мучашлаш жапым пайдалын кучылташ тыршат. Тиде сомыл шошо годсек шукталтеш. Сайын ямдылалташ манын, нуно ончычсо ийлаште лийше технологий нарушенийым да аварийым чыла шымлен лектыныт да тенйсе пашаштышт шотыш налыныт. Олтымо тругымлан ямдылалтме жапыште энергетик- влак кум тӱжемат 66 меҥге кужыт юж гыч шупшмо электролинийым олмыктеныт. Тидыже 100 утла процент лиеш. 319 трансформатор подстанцийым, 271 коммутаций оборудованийым олмыктымо, 387 гектар электропередаче линийын трассыжым эрыктен кумдаҥдыме. «Россети Центр и Приволжье Мариэнерго» филиалын директоржын ойлымыж почеш, чыла подразделений ден службын пашаеҥже- влак олтымо тургымлан ямдылаш да аварий деч посна пашам ышташ кугу сомылым шуктеныт. Ешартыш профилактике мероприятий да ремонтлан кӧра специалист- влак лийын кертше рискым тӱвыт шагалемденыт да теле жаплан сетьын куат шапашыжым кугемденыт.
