Йошкар-Оласе футболист- влак финишыште чулымештыныт
Йошкар-Оласе футболист- влак умбакыже ӧрыктарат: финишыште кок гана сеҥышыш лектыныт. Теҥгече «Приволжье» футбол ушемын первенствыштыже вес жапыш кусарыме 17-ше турын модмашыже лийын. «Дружба» шке полештыже Самара гыч «Крылья Советов ЦПФ» командым вашлийын. Тушто 17 ияш рвезе- влак модыт. Йошкар-Оласе футболист- влак еҥ капкаш вич мечым пуртеныт, шке капкашкышт кокытым колтеныт. Мемнан командыште Константин Бастраков (кок гана), Андрей Рудалёв, Роман Пронин да Никита Чернов ойыртемалтыныт. Тиде сеҥымаш деч вара Йошкар-Оласе команде погымо очкож дене Димитровград гыч «Лада-Университет» команде дене иктӧр лийын. Шапашыште эше ик модмашыже уло. Тыге «Дружбын» пытартыш вер гыч кораҥаш ӱшанже лектын. Ончылно эше кум вашлиймаш. 12-шо октябрьыште Пензысе Каменкыште «Дорожник» дене модеш, 19-ше октябрьыште «Дружба» стадионышто Угарманысе Ковернино гыч «Волна» дене вашлиеш. 26-шо октябрьыште Димитровградыште аутсайдер- влак модыт: «Лада- Университет» ден «Дружба» команде- влак.
