Республикын шочмо кечыже марте Чавайн бульвар уэмшаш
Республикынан 99 ийым темыме шочмо кечыже марте тылзе дечат шагалрак жап кодеш. Тиде кече марте пайрем мероприятий- влакым гына огыл ямдылат, урем- влакымат тӱзландарат. Теве Чавайн бульварыште пужен ыштыме кугу паша шукталтеш. Калыкын йӧратыме каныме верже «Оласе йӧнан кумдыкым ыштымаш» программе кышкарыште олмыкталтеш да вашке тудым ыштен шуктышаш улыт. Республикым вуйлатыше Александр Евстифеев пашан кузе кайымыжым шке терген лектын, графикым шуктымым, оксам ойырмым умылкален. Подряд организацийын умылтарымыж почеш, чыла материалым налме, жапым пудыртымо шотышто лӱдыкшо уке. Объектым икымше ноябрьлан шуктышаш улыт. Кызыт тушто брусчаткым оптат. Туддеч вара изи архитектур формо- влакым вераҥдат. Республикым вуйлатыше тыгак тиде кумдыкым пушеҥге да кушкыл дене сӧрастараш кӱлеш манын да икымше ноябрьлан мучашлаш кӱлеш манын эше ик гана ушештарен. Ида мондо- 4-ше ноябрьыште республикылан 99 ий темеш, калыклан тиде пайрем лийшаш манын.
