Марий Элын делегацийже Москошто эртыше «Шӧртньӧ шыже» агропромышленный выставкыште участвоватла
Тиде кечылаште Марий Элын делегацийже Москосо ВДНХ-ште эртыше «Шӧртньӧ шыже» Россий кӱкшытан 21-ше агропромышленный выставкыште участвоватла. Марий аграрий- влак тушко иван-чайым, емыжым, мӱйым, поҥгым, кинде сатум, тӱрлӧ-тӱрлӧ колбаса ден сырым намиеныт. Чылаже 50 утла регион гыч да 77 йотэл компаний шке продукцийжым ончыкта. Тиде кугу мероприятийым Россий правительстве председатель Дмитрий Медведев почын да погынышо- влакым саламлен ойлен. Марий Элысе ял озанлык министр Александр Гречихо палемден: республике гыч 30 утла предприятий миен, икымше гана участвоватлыше- влакат улыт. Ме ужалаш огыл толынна, сатунам тамлен ончышт манын, шукырак дегустацийым эртараш тыршена. Тиддеч посна, Марий Элын стендыштыже паша зона уло. Тушто сатум лукшо- влак ончыкылык налше- влак дене ойпидышым кылден кертыт. Выставке кум кече шуйна.
