Сарзе да шочмо элым йоратыме паша месячник тӱҥалын
Республикыштына тачысе кече гыч 23-шо февраль марте чыла ола округ ден муниципал районлаште оборонно-массовый да военно-патриот паша месячник эрташ тӱҥалеш. Тений месячник пале дате- влаклан пӧлеклалтеш: кугу князь да полководец Александр Невскийын шочмыжлан 800 ий, маршал- влак Георгий Жуков ден Константин Рокоссовскийын шочмыштлан 125 ий, Кугу Ачамланде сарын тӱҥалмыжлан 80 ий, Россий Федерацийын тистыжым пеҥгыдемдымылан 30 ий, Сандалыкыш айдемын чоҥештымыжлан 60 ий, Иван Грозный годым икымше воин уставым ыштымылан 450 ий теммеш. Таче Самырык- влакын полатыштышт мероприятийым торжественно почмо. Утларак ямде улмо режимлан кӧра, почмо церемонийым Ютуб каналыште ончыктымо. Ончышо- влаклан выставкым, стендым, видео-ончерым ямдылыме. Месячник жапыште иктаж 50 мероприятий эртышаш. Нунын дене 80 тӱжем самырык еҥым авалташ палемдыме.
