Сайлымашым чын эртараш видеоэскерымаш полша

          Сентябрьыште эртышаш сайлымаш чын да виш эртыже манын видеофиксаций йӧн- влак полшат. Тидын нерген Марий Элым вуйлатышын пашажым шуктышо Юрий Зайцев дене вашлийме годым республикысе рӱдӧ сайлыме комиссийым вуйлатыше Ирина Татаринова каласен. Сайлымаш кампанийын республикыште кузе эртымыже нерген Российысе рӱдӧ сайлыме комиссийыш увертаренам. Элла Памфилова республикыште сайлымашлан ямдылалтмашым кӱкшын аклен. Поснак республикысе 100 процент участкылаште  видеофиксаций йӧным кучылтмым палемденыт, - каласен ИринаТатаринова. Палемдыме: Марий Элым вуйлатышым сайлымашке вич еҥ лектын. Тиддеч посна сайлыме комиссий Марий Эл Кугыжаныш погыныш ешарен сайлымашке 6 гыч 4 кандидатшым регистрироватлен. Марий Элым вуйлатышын сомылжым шуктышо сайлыме процесс годым законодательствым шуктымын кӱлешлыкшым палемден. Чыла план почеш кая, ӱшанем: чылажат Российысе законодательстве дене келшышын эрта. Видеофиксаций виш да чын сайлымашын кӱлешан факторжо, - каласен Юрий Зайцев.
             Фото: Марий Элым вуйлатышын организаций да аналитик виктемже.

Прошлые выпуски