Йошкар-Олаште Тӱвыра полат- влакым тӱзатат
Йошкар-Олаште Тӱвыра полат- влакым да ешартыш шинчымашым пуышо тӧнеж- влакым тӱзатат. Кызыт кум тӱвыра полатыште паша шолеш. Теве Сеҥымашын 30-шо идалыкше лӱмеш тӱвыра полатыште леведышым олмыктат. Тымарте тӱжемат 200 квадрат метрым уэмдыме. А тидыже тӱшка кумдык гыч 70 процент лиеш. А зданийыштыже окна- влакым вашталташ шонат. Россий Армийын тӱвыра полатыштыже тыгак шокшо пагыт. Тушто хореографий залын коридоржым олмыктат. Туддеч вара тошкалтышлашке куснат, спортзалыште пырдыжым, тувырашым, кӱвар шартышым шотыш кондат, радиатор ден светильник- влакым вашталтат. Ленин лӱмеш тӱвыра полатыште инженерно-техник паша шукталтеш: вӱдпучым, шокшым пуышо узелым, распределительный щит- влакым ачалат. Нылымше номеран йоча сымыктыш школышто пурымо верым, тошкалтыш- влакым, зданийын цокольжым ачалыме. Ынде школын кабинетлаже ден коридорлашкыже куснат.
Фото: Йошкар-Ола мэрийын пресс-службыжо.
Фото: Йошкар-Ола мэрийын пресс-службыжо.
