Крановщикым ток перен
Медведево районышто кран-манипуляторын водительжым ток дене перен пуштын. Таче районысо ик ял гыч 44 ияш еҥын колымыжо шотышто доследственный тергымаш кая. Ончылгоч рашемдыме почеш, кечывалым кран-манипуляторын водительже кӱртньӧ бетон оҥго- влакым ястарымыже годым кранын стрелаже дене электропередаче линийым тӱкен. Тыге тул перыме дене верыштак ӱмыр лугыч лийын, - увертара следствий виктемын пресс-службыжо. Кызыт следователь чыла мо-кузе лиймыжым рашемда.
А тидеч ик кече ончыч тиде районыштак пӧръеҥым УАЗ пызырен. Машинам олмыктымо годым УАЗ эҥертышыже гыч мучыштен пӧръеҥ ӱмбаке волен шинчын. Тиде азап Лесной посёлкышто лийын. Утарыше службын специалистше- влак гидравлик ӱзгар дене машинам нӧлталын, колышо еҥын капшым луктыныт.
Марий Элысе следствий виктемын фотожо.
А тидеч ик кече ончыч тиде районыштак пӧръеҥым УАЗ пызырен. Машинам олмыктымо годым УАЗ эҥертышыже гыч мучыштен пӧръеҥ ӱмбаке волен шинчын. Тиде азап Лесной посёлкышто лийын. Утарыше службын специалистше- влак гидравлик ӱзгар дене машинам нӧлталын, колышо еҥын капшым луктыныт.
Марий Элысе следствий виктемын фотожо.
