Семёновка селаште 12 ияш рвезе леведыш гыч камвозын да ӱмыр лугыч лийын

Йошкар-Олан прокуратурыжо 12 ияш рвезын ӱмыр лугыч лиймыже шотышто тергымашым эртарен. Рашемдыме: 28-ше февральыште Семёновка селасе Садовый уремыште озадыме оралтыште рвезын капшым мумо. Тудо кучылталтдыме зданийын леведышыже ӱмбач камвозын. Тидын шотышто Йошкар-Олан следствий пӧлкаже уголовный пашам тарватен. Прокуратура тиде решенийым чынлан шотлен. Тиддеч посна прокуратура объектын озаже шотышто, йоча- влакын кузе тушко логалмышт, профилактике системын пашаже шотышто тергымашым эртара.

Прошлые выпуски