«Семёновский» племзавод шкенжын 60 ияш лӱмгечыжым палемден

Медведево районысо «Семёновский» племзавод шкенжын 60 ияш лӱмгечыжым палемден. Пайрем мероприятий Кузнецово тӱвыра рӱдерыште эртен. Предприятийын пашаеҥже- влакым республикым вуйлатыше Александр Евстифеев саламлен. 60 ий- организацийлан пале лӱмгече. Озанлыкын историйжым ончалаш гын, тушто «ончыл», «икымше»,  «эн сай» шомак- влак чӱчкыдын вашлиялтыт. Кызыт предприятий тичмаш цикл дене пашам ышта:  кургым ончен куштымо гыч тӱҥалын, ямде сатум оптен колтымо марте шке ышта. Тушто 42 тӱрлӧ продукцийым ыштен луктыт. Кодшо ийын шым тӱжемат 700 тӱкан шолдыра вольыкым ашненыт. Тушечын кум тӱжемат пелыже- ушкал. Республикыште тиде эн сай показатель. Ик ушкал деч 8 тӱжемат 419 килограмм шӧрым шупшылыт. Тиддеч посна шкенжын имне фермыже уло. Марий Элым вуйлатыше озанлыкын коллектившылан у сеҥымаш- влакым тыланен да тудо умбакыжат вияҥаш тӱҥалеш манын ӱшаным каласен. Ойыртемалтше пашаеҥ-влаклан наградым кучыктымо.

Прошлые выпуски