24-ше апрельын Йошкар-Олаште «Сеҥымаш диктант» тӱнямбал акций лиеш

24-ше апрельын Йошкар-Олаште «Сеҥымаш диктант» тӱнямбал акций лиеш
            24-ше апрельын Йошкар-Олаште «Сеҥымаш диктант» тӱнямбал акций лиеш. Тений диктант кок датылан пӧлеклалтеш- Совет Ушемын маршалже Георгий Жуковын шочмыжлан 130 ий, Кугу Ачамланде сарын тӱҥалмыжлан 85 ий теммылан. Кодшо ийын диктантым шӱдӧ наре эл гыч кок миллионат 750 тӱжем еҥ возен. Йошкар-Олаште шке шинчымашым Калык- влак келшымаш пӧртыштӧ, «Ачамландын Геройжо- влак» фондын филиалыштыже, тунемме тӧнежлаште, книгагудылаште, тоштер ден кугу промышленный предприятийлаште тергаш лиеш. Акцийын диктантпобеды.рф- официальный сайтыштыже онлайн возаш йӧным ыштат. Чын вашмутым пуышо- влак Почётан диплом дене палемдалтыт. Эн сайже- влак 9-ше майын Москосо Йошкар площадьыш Сеҥымаш Парадыш ӱжмашым налыт.

Прошлые выпуски