Спортшколын тренерже корэш дене Тӱнян чемпионатыштыже кучедалеш
Республике гыч спортшколын тренерже корэш дене Тӱнян чемпионатыштыже кучедалеш. Озаҥ олаште корэш дене Российын 55-ше чемпионатше мучашлалтын. Тиде кугу событий элысе 41 регион гыч 200 утла спортсменым чумырен. Нуно нелыт шот дене 11 категорийыште таҥасеныт. Мемнан республике гычат патыр- влак лийыныт. Той медальым олимпий резерв комплексный спорт школын тренерже Мунир Галлямов сеҥен налын. Кумшо верлан кӧра тудо элысе сборный радамыш пураш да корэш дене Тӱнян Чемпионатышкыже каяш правам налын. Таҥасымаш Татарстаныште июньышто лиеш,- увертара республикын спорт министерствыже.
Фото: Спорт министерстве.
Фото: Спорт министерстве.
