Российыште Донорын калыкле кечыже палемдалтын

Российыште Донорын калыкле кечыже палемдалтын
                Теҥгече Российыште Донорын калыкле кечыже палемдалтын. Тиде кечын Республикысе вӱрым налме да пуымо станцийыште акций эртен. Тушко «Единый Россий» партийын чолга еҥже- влак, «Единый Российын Молодой гврадийжын», партий деке мелын шогышо- влак да «Российысе калык- влак ассамблейын» Марий Элысе еҥже- влак ушненыт. Акцийыште Марий Эл Кугыжаныш погынышто партийын фракцийжым вуйлатыше Лариса Яковлева участвоватлен. Ӱжмыланда ме вашештыде кертын огынал. Тиде кӱлешан пашашке ме икымше гана огыл ушнена. Юмылан ӱшанме ойыртем, могай калык гыч улмо, тӱвыра ойыртемым шотыш налде, ме икоян улына: ме вӱрым пуаш гына огыл, а шке чоннан, шӱмнан ужашыжым кӧм- гынат утарен кодаш манын пуэна,- палемден Лариса Николаевна. Акций кышкарыште станцийыште тӱвыра мероприятият эртен. Марий Элысе 15 тӱрлӧ калыкын еҥже- влак шке усталыкыштым ончыктеныт. Тидыже тӱрлӧ тӱвыран еҥже- влакын, юмын йӱлан илышым утарен кодымо верч икояныш савырнымашым ончыктен.
            Фото: Единый Российын верысе пӧлкаже.

Прошлые выпуски