Таче игече адак вучыдымо койышыжым ончыктыш
Таче игече адак вучыдымо койышыжым ончыктыш. Таче эрдене Йошкар-Олаште троллейбус- влак линийыш лектын огытыл. Молан манаш гын, контакт сетьын линийлашкыже ий кылмен пижын. Транспорт эсогыл ДЕПО гычат лектын огыл. Лач автономно коштшо троллейбус- влак, маршрутко ден автобус- влак гына калыкым шупшыктеныт. Троллейбус- влак маршрутыш сетьым эрыктымеке кечывал тураште гына лекташ тӱналыныт.
Теҥгечысе тале мардеж ден поран, йӱдымсӧ лум ятыр пушеҥгым сӱмырен, тодыштын. электровоштыр- влакым кӱрлын. Пушеҥге- влак транспорт корнышкат камвозыныт. Мутлан Сталинград кучедалмашын Геройжо- влак уремыште пушеҥге- влак сӱмырлымылан кӧра 4-ше П ден 24-ше П автобус- влак жаплан маршрутыштым вашталтеныт. Тыгак начар игечылан кӧра Звенигово гыч Чебоксарыш да мӧҥгешлат автобус рейс- вакым чарыме.
Ик суткаште олаште 40 миллиметр вӱдыжгӧ возын але южо вере 20 сантиметр наре лум погынен. Вӱдыжгӧ апрельысе нормыжо деч кок пачаш утла шукырак возын- тыглай нормо дечын 230 процентыш шуын. Мэрийын ончыктымыжо почеш уремлашке да квартал кокласе корнылам эрыкташ 44 единице коммунал технике лектын. «Город» акционер ушемын специалистше- влак машин- влаклан вашке гына телымсе оборудованийым уэш пижыктеныт. Кызыт нуно корнылаште тыршат. Тиде жапыштак сӱмырлышӧ пушеҥге- влакым кораҥдат. Кушто кораҥдыме да эрыктыме огыл гын, единый дежурный диспетчер службыш йыҥгырташ лиеш. Номерже: 64-16-63.
Фото: Троллейбус депо.
Теҥгечысе тале мардеж ден поран, йӱдымсӧ лум ятыр пушеҥгым сӱмырен, тодыштын. электровоштыр- влакым кӱрлын. Пушеҥге- влак транспорт корнышкат камвозыныт. Мутлан Сталинград кучедалмашын Геройжо- влак уремыште пушеҥге- влак сӱмырлымылан кӧра 4-ше П ден 24-ше П автобус- влак жаплан маршрутыштым вашталтеныт. Тыгак начар игечылан кӧра Звенигово гыч Чебоксарыш да мӧҥгешлат автобус рейс- вакым чарыме.
Ик суткаште олаште 40 миллиметр вӱдыжгӧ возын але южо вере 20 сантиметр наре лум погынен. Вӱдыжгӧ апрельысе нормыжо деч кок пачаш утла шукырак возын- тыглай нормо дечын 230 процентыш шуын. Мэрийын ончыктымыжо почеш уремлашке да квартал кокласе корнылам эрыкташ 44 единице коммунал технике лектын. «Город» акционер ушемын специалистше- влак машин- влаклан вашке гына телымсе оборудованийым уэш пижыктеныт. Кызыт нуно корнылаште тыршат. Тиде жапыштак сӱмырлышӧ пушеҥге- влакым кораҥдат. Кушто кораҥдыме да эрыктыме огыл гын, единый дежурный диспетчер службыш йыҥгырташ лиеш. Номерже: 64-16-63.
Фото: Троллейбус депо.
