Марий Элыште аралалтме средства-влакым ситарыме шотышто паша умбакыже шуйна

Республикыште ургымо аралыше маске-влакым почтышто налаш лиеш. Почто пӧлкалаште кундемыштына ыштен лукмо маске-влакым ужалаш тӱналме. Тидын нерген Оперативный штабын заседанийыштыже Федерал почто кыл виктемым вуйлатыше Андрей Виногоров увертарен. Почто пӧлкалаштат, доставка участкылаштат почтальон-влак кӱлешан сатум ужалат. Российын Почтыжо урген пуышо-влакым сатун акше почеш ойырен налын. Ик маскын акше 29 гыч 49 теҥге марте шуэш. Чылаже 201 почто пӧлкаште, чыла районышто тудым налаш лиеш. Дезинфицироватлыше средсто шотыштат мониторинг эртаралтеш. 17-ше март гыч 6-шо май марте «Геникс» фирма ик тӱжемат 11 тонн продукцийым ужалымашке колтен. Кум предприятий врач-влаклан аралыше комбинезон ден бахилым урга. Нуно терапевт-влаклан келшен толыт да кӱлыт, но «йошкар зонышто» тыршыше-влаклан вес вургем кӱлеш. Республикым вуйлатыше тыгак бизнес дене чарныде кылым кучаш да социал, экономически кӱлешан проект-влакым шыҥдараш кӱлеш маныт.

Прошлые выпуски