Марий Элыште самоизоляций умбакыже шуйна.
Республикыштына
коронавирус дене кылдалтше ситуаций чарымашым кораҥдаш амалым ок пу. Тидлан
кӧра Александр Евстифеев 17-ше мартыште лукмо Указышкыже вашталтышым пуртен.
Документ дене келшышын, республикыштына утларак ямде улмо режим да чарыме
мероприятий- влак 31 май марте шуйнат. Лач шӱгарлашке гына чыла лӱдыкшыдымылык
мерым шуктен, мияш лиеш. Мӧҥгӧ гыч кӱлеш годым гына лекман. Тиде - медицина
полышым налаш, пашаш каяш, километр деч тора огыл кужытыш кевытыш да услугылан
миен толаш, тӱжвалне шкевуя физкультура да спорт дене занятийым эртараш, тӱжем
метр деч тораш огыл йоча дене кошташ лиеш. Но маскым ончычсо семынак чийыман,
вес кундемла да йот элла гыч толшо-влак 14 кече самоизоляцийыште лийшаш улыт.
Тоштер шотан тӱвыра тӧнеж-влак штат режим дене пашам ыштен кертыт, но аралыше
средствым кучылтман да дистанцийым эскерыман. Профессионал спортсмен-влак спорт
полатлаште шуаралтын кертыт.
