«Ме пырля улына» акцийын участникше-влак поро пашам шуктат

«Ме пырля улына» акцийын участникше-влак республикысе кум эмлыме верын медикше-влаклан аралыше средствым пуэныт. ОНФ-ын «Медик-волонтёр-влак», волонтёр рӱдер-влакын ассоциацийышт дене ыштыме «Ме пырля улына» акцийын участникше-влак Козьмодемьянскысе, Медведевысе да Йошкар-Оласе эмлыме вер-влаклан 500 респираторым, тӱжемат 600 пар перчаткым, 160 бахилым да 60 комбинезоным намиен пуэныт. Нуным налаш оксам «Мы вместе» сайтыште погымо, сатум Моско гыч кондымо да вигак врач-влаклан кучыктымо.

Прошлые выпуски