Шушаш ийын «Тазалыкаралтыш» калыкле проектлан республикыштына 374 миллион теҥгем колтат

Шушаш ийын «Тазалыкаралтыш» калыкле проектлан республикыштына 374 миллион теҥгем колтат
               Шушаш ийын «Тазалыкаралтыш» калыкле проектлан республикыштына 374 миллион теҥгем колтат. Эмлыме вер- влаклан шушаш ийын налшаш оборудований- влаклан контрактым ыштыме. Мутлан, шергакан индеш единице оборудованийым 130 миллион теҥгелан налаш палемдыме. Тиде- флюорографийлан вич рентген аппарат, рентгенографийлан ныл стационар рентгенаппарат улыт. Кандашыжым кондашлан контрактым ыштыме. Тиддеч посна шушаш ийын Звенигово рӱдӧ эмлыме верым олмыктымо лиеш. Тидлан 62 миллион теҥгем кучылташ палемдыме. Объектыште пашам графикым ончылтен тений шошымак тӱҥалме. Тенияк идалык мучашлан пашам пытарышаш улыт. Тыгак шушаш ийын Йошкар-Оласе кокымшо йоча поликлиникым чоҥаш тӱҥалыт. Тудым 2025-ше ийын умбакыже шуят. Регионысо проектын кум корныжым шыҥдарашлан- чоҥаш, капитально олмыкташ да оборудованийым налаш шушаш ийын республикыш 374 миллион теҥгем колтышаш улыт, - увертара республикысе тазалыкаралтыш министерстве.

Прошлые выпуски