Шушаш ийын Йошкар-Ола аэропортлан лӱмым кычалаш тӱҥалына
Йошкар-Ола аэропортлан лӱмым пуымо паша шушаш ийын январь гыч тӱҥалеш. Марий Элым вуйлатышын докладше нерген ойлышыла Республикысе общественный палатын председательже Герман Дементьев аэропртлан лӱмым ойырымо жапым каласен. Александр Евстифеев иктешлыше докладыштыже палемден: шушаш ийын республикысе калык лӱм верч йӱклаш тӱҥалеш. Тушко кажне кумылан еҥ ушна. Дементьевын мутшо почеш, тиде паша январьыште шукталтшаш. Калыклан ойырен налаш лӱм-влакын спискышт темлалтеш. Тушеч иктыжым ойыраш кӱлеш. Шушаш ийын кыдалныже сеҥышын лӱмжӧ пале лийшаш. Вара Российысе Общественный палатыш аэропортлан лӱмым пуымо шотышто йодмаш колталтеш.
