Советский районышто тӱвыра тӧнеж- влакын 2022-шо ийысе пашаштым иктешленыт
Советский районышто тӱвыра тӧнеж- влакын 2022-шо ийысе пашаштым иктешленыт. Тидын шотышто совещаний Йоча сымыктыш школышто эртен. Районысо тӱвыра пӧлкам вуйлатыше Яков Ефремов палдарен: «Тӱвыра» калыкле проект почеш налме шуко функциян тӱвыра рӱдер кодшо ийын 43 ялыш лектын коштын, 104 мероприятийым эртарен. 2022-шо ийын районысо тӱвыра пашаеҥ- влак кум тӱжемат 600 утла тӱвыра да каныме мероприятий- влакым эртареныт. Тушко 588 тӱжемат 400 утла еҥ миен. Тидымат палемдыме: тӱвыра пӧртла пелен 55 ушем, клуб пашам ыштат. Тушто 900 утла еҥ шке жапшым эртара. Районысо краеведений тоштер 155 экскурсийым да 28 выставкым эртарен. Книгагудо- влак тӱжемат 122 тӱвыра да шинчымашым шарыше мероприятийым темленыт. Книгагудо 41 процент калыкым авалтен. Советскийысе йоча сымыктыш школышто 204 еҥ тунемеш, а тӱшка вияҥмаш программе почеш 155 еҥ шинчымашым пога. Кодшо ийын школыш тунемаш 66 еҥ толын. Тӱвыра министр Константин Иванов тӱвыра пашаеҥ- влакын лектышан пашаштлан тауштен ойлен.
Фото: Тӱвыра министерстве.
Фото: Тӱвыра министерстве.
