Марий Элым вуйлатышын пашажым шуктышо Волжск олаш мийымыже годым икмыняр вашлиймашым эртарен
Марий Элым вуйлатышын пашажым шуктышо Волжск олаш мийымыже годым 4-ше номеран школышто инклюзивный кумдыкым аклен. Тиде школ негызеш тений аутизман йоча- влаклан ресурсан класс да «Детикакдети» тунемме процессыш ушнышо йоча- влаклан полшышо рӱдер ышталтеш. Тиддеч посна уш-акыл дене инвалидностян 18 ияш деч кугурак еҥ- влаклан пайдале пашаш ушнаш республикыште икымше рӱдер почылтшаш. 4-ше школышто почмо Инвалид йочан ача-ава- влакын «Ончыкылыкан йоча» организацийышкышт Марий Элым вуйлатышын пашажым шуктышо Юрий Зайцев миен. Ынде вич ий мучко тушто кастене инклюзив мастерской ден усталык студий- влак пашам ыштат. Нуно шун гыч ышташ, кулинарий, полиграфий, ургымо, театр, робототехнике, видео да радио студий паша дене шинчымашым пуат. Тушко уш-акыл дене начаррак тазалыкан йоча- влак коштыт. Нунын дене «Пиалан билет» отрядын волонтёржо- влак пашам ыштат. Юрий Зайцев мастерскойлам ончен, школын директоржо Марина Янковская дене, организацийым вуйлатыше Александра Алексеева да йоча- влак дене мутланен. Икымше сентябрьыште аутизман йоча- влаклан ресурс классым почына. Туныктымо паша утларак лектышан лийшаш. Инфраструктурым ыштыме деч посна эше педагог- влакым туныктыман. Молан манаш гын, тыгай диагнозан йоча- влак дене школласе туныктышо- влак пашам ышташ ямде огытыл. Законодательствым 2016-шо ийыште пеҥгыдемдыме гынат, йодыш- влак эше кодыт, - каласен Марина Янковская.
Марий Элым вуйлатышын пашажым шуктышо Марий целлюлоз-кагаз комбинатым вуйлатыше- влак дене Волжск оласе социал инфраструктурым вияҥдыме нерген мутланен. Волжск олаш мийыме кышкарыште Юрий Зайцев Марий целлюлоз-кагаз комбинатыште тудын генеральный директоржо Александр Сташкевич дене вашлийын да производство цехла ден предприятийын социал объектше- влакым ончен лектын. Марбум оласе социал илышыште чолган участвоватла. Оласе калыклан Тӱвыра пӧрт, спорт объект- влак, тазалыкым пеҥгыдемдыме комплекс пашам ыштат. 220 утла еҥ спорт секцийлаш коштеш, 230 наре тӱрлӧ куржокышто моштымашыжым келгемда. Юрий Зайцев паша цехлам, Чодыра биржым, пушеҥге шӱм ден пу отходым, макулатурым перерабатыватлыме цехлаште лийын, очистной сооруженийлашке миен. Комбинат талукышто 120 тӱжем тонн кагазым, 140 тӱжем тонн картоным, 45 тӱжем тонн сатулык целлюлозым, 10 миллион квадрат метр кудыр картоным, 20 миллион штук кагаз мешакым ыштен луктеш. Кугыт эре ешаралт шога. Комбинатыште очистной сооруженийы чоҥымо шотышто кугу инвестиций проект шыҥдаралтеш.
Юрий Зайцев тыгак Волжск оласе бизнес-сообществе дене вашлийын. Вашлиймаш оласе да районысо калыклан пашавер рӱдрыште эртен. Вуйлатышын мутшо почеш, лач амалкалче- влак регионысо экономикым ончыко наҥгаят. Вашлиймашыште амалкалче- влаклан улшо программе, кадрым ямдылыме, олам вияҥдыме, инвестицийым кондымо нерген мутланыме. Марий Элым вуйлатышын пашажым шуктышо Юрий Зайцев тыгак Волжск оласе калык дене вашлийын да нунын йодышыштлан вашештен.
Фото: Марий Элым вуйлатышын организаций да аналитик виктемже.
Марий Элым вуйлатышын пашажым шуктышо Марий целлюлоз-кагаз комбинатым вуйлатыше- влак дене Волжск оласе социал инфраструктурым вияҥдыме нерген мутланен. Волжск олаш мийыме кышкарыште Юрий Зайцев Марий целлюлоз-кагаз комбинатыште тудын генеральный директоржо Александр Сташкевич дене вашлийын да производство цехла ден предприятийын социал объектше- влакым ончен лектын. Марбум оласе социал илышыште чолган участвоватла. Оласе калыклан Тӱвыра пӧрт, спорт объект- влак, тазалыкым пеҥгыдемдыме комплекс пашам ыштат. 220 утла еҥ спорт секцийлаш коштеш, 230 наре тӱрлӧ куржокышто моштымашыжым келгемда. Юрий Зайцев паша цехлам, Чодыра биржым, пушеҥге шӱм ден пу отходым, макулатурым перерабатыватлыме цехлаште лийын, очистной сооруженийлашке миен. Комбинат талукышто 120 тӱжем тонн кагазым, 140 тӱжем тонн картоным, 45 тӱжем тонн сатулык целлюлозым, 10 миллион квадрат метр кудыр картоным, 20 миллион штук кагаз мешакым ыштен луктеш. Кугыт эре ешаралт шога. Комбинатыште очистной сооруженийы чоҥымо шотышто кугу инвестиций проект шыҥдаралтеш.
Юрий Зайцев тыгак Волжск оласе бизнес-сообществе дене вашлийын. Вашлиймаш оласе да районысо калыклан пашавер рӱдрыште эртен. Вуйлатышын мутшо почеш, лач амалкалче- влак регионысо экономикым ончыко наҥгаят. Вашлиймашыште амалкалче- влаклан улшо программе, кадрым ямдылыме, олам вияҥдыме, инвестицийым кондымо нерген мутланыме. Марий Элым вуйлатышын пашажым шуктышо Юрий Зайцев тыгак Волжск оласе калык дене вашлийын да нунын йодышыштлан вашештен.
Фото: Марий Элым вуйлатышын организаций да аналитик виктемже.
