«Т Плюс» теплосетьлаште учёт узелым шында

                 Йошкар-Оласе теплосетьлаште  учёт узелым шындаш «Т Плюс» 13 миллион утла теҥге оксам ойырен. Олаште компанийын ныл объектыштыже монтажым ыштыме. Тиде- Садовый, Строитель, Клара Цеткин да Суворов уремлаште. Прибор- влак автомат режим дене оборудованийын кузе пашам ыштымыже нерген уверым погат да теплосетьын диспетчер службышкыжо колтат. Тидыже оборудованийын паша параметрже вашталтмым пален налаш да шке жапыштыже да пайдалын виктарен колташ, шокшын могай качествыже да мыняр кугытым колтымым терген шогаш, экшыкым жапыштыже кораҥдаш полша. Учёт приборым вераҥдымаш- тиде кодшо ийын тӱҥалме кугу пашам умбакыже шуйымаш. Тичмаш налмаште тиде пашалан компаний кок ийыште 90 миллион наре теҥге оксам ойырен.

Прошлые выпуски